Aus`m
Cafehaus und anderswo



Aus`m Cafehaus und anderswo  Roland, a boarischer Dichter

 

  

Schön dass`S reinschauen,

des is a kloane Homepage eines boarischen Dichters.

Ob in Landshut, oder am Tegensee, na klar in München sowieso, ih hob meine Stammplätze überall wo ma schreibn ko.

Ih mach des scho seit 1984.

Ohgfanga hod`s am Münchner Viktualienmarkt in am Frühcafè, dem Schmoiznudlcafe Frischhut, ganz in der Früh.

Meistens wenn olle no gschlaffa ham so um hoibe sechse, do sand bei mir scho de Gedanken umananda gsaust. Ja dann so ab 2000 war ih ollwei am Münchner Marienplatz, quasi der Stammplatz im Herzen Münchens.

Da ih ja ah a Geld verdienen muass und mein Arbeitgeber irgendwann sich für mich entschloss, mei Arbeitszeit auf d`Sekunde durchzuplanen, ko ih nimma in da Früh in d`Stodt fahrn, wos mi wiederum ins Münchner Umland zum Schreiben verlagert hod. ….Landshut, Freising, Unterschleißheim, Tegernsee und der bayrischen Städte so viele.

Wos soi`s,  im Untertitel hoaßt`s ah anderswo und des is ah wirklich immer anderswo, zumeist am Unterschleißheimer See, do bin ih zu Saisonbeginn der erste und dann der letzte Gast. Schreiben ist mehr als nur seine Gedanken weiterzugeben, es ist ein Kulturakt seiner Sprache gegenüber und da bin ih ein Durch und Durch-Bayer.

Wenn`s nach mir ginge sollt Bayern  im praktischen Sinn und ah nach Verfassung ein Freistaat sein. Ih hab mir mei Freiheit bewahrt, indem dass ih ungeschminkt des sog wos ih ma denk und des über Gott und die Welt.

Schnell werd ma bei mir drauf stossen, dass ih Christ bin. Wos is des scho, a Floskel, a Vereinszugehörigkeit?

Na für mi is des weit weit mehr und ah des werd immer wieder in meim Themenfundus z`findn sei.

Wia scho gsogt, ih schreib seit 1984 und da war ih grad mal achtzehn Jahre jung und seit dem Jahr 2014 sand`s 30 Jahre, dass ih mit Füller meine Gedanken niederschreib.

Eine lange Zeit, viele Gedichtbände, immer ois verschenkt, immer wieder im Cafe nach`m Vorlesen eigladn worn.

Lesungen hob ih ah scho a bisserl mitgestaltn derfa, in na Müncher Tanzschule in da Schwanthalerstraß. Do hätt ma scho wieder a Leidenschaft entdeckt, des Tanzen.

Eine wunderbare Sach, de ah no gsund is und immer wieder inspiriert hod.

Ih dat song, gnuag für`s erste, klicken Sie sich durch, ih hoff, dass es gnuag zum entdecken gibt.

Wenn`S mehr woin, wendn`S sich an mi.

Die folgenden Seiten sand nur aus einem Gedichtband !!!!

dem aus "Oktober bis Dezember 2006", quasi wos oids, aber urteilen Sie selber.

Gruß aus`m Cafehaus

Roland, a boarischer Dichter